ტარიელ ამირანის ძე ჩაჩუა, დაბადებული 1966 წლის 11 მარტს, სამტრედიის რაიონის სოფელ გომში, განათლება საშუალო-ტექნიკური, უცოლო.

1983 წელს სამტრედიის რაიონის სოფელ გომის საშუალო სკოლის დამთავრების შემდეგ გაიწვიეს სამხედრო სავალდებულო სამსახურში. შემდეგ სწავლა გააგრძელა ქუთაისის კოოპერაციულ ტექნიკუმში.

მუშაობდა სამტრედიის რაიონის სოფელ საჯავახოში კომერციულ მაღაზია. „იმედში“ ოჯახში ტარიელი ნანატრი შვილი იყო, ხუთ დას მხოლოდ ეს ერთი ძმა უმშვენებდა მხარს, მაგრამ, როგორც კი მტერმა საქართველოს ტერიტორიული მთლიანობის ხელყოფა განიზრახა, ტარიელი სასწრაფოდ ჩაეწერა მოხალისედ 114-ე ბატალიონ „ავაზაში“ და საყვარელ ღედას ლოცვასავით დაუბარა: „ნუ გეშინია, დედი, მე ჯანმრთელი დაგიბრუნდებით, მაგრამ თუ ბედმა მიმუხთლა და მოვკვდი, მაინც ნუ იდარდებთ, რადგან ყველა დედა ვალდებულია ერთი შვილის სიცოცხლე მაინც შესწიროს სამშობლოს კეთილდღეობასო“. აკი შესწირა კიდეც სამშობლოს ბატონი ამირანის ოჯახმა ყველაზე ძვირფასი განძი – ერთადერთი მემკვიდრის სიცოცხლე 1993 წელი 13 თებერვალი.

დასაფლავებულია სამტრედიის რაიონის სოფელ გომის სასაფლაოზე.

საქართველოს მინისტრთა კაბინეტის ბრძანებულებით სამტრედიის რაიონის სოფ. დაბლა გომის სკოლას, სადაც ტარიელი სწავლობდა, მიენიჭა ტარიელ ჩაჩუას სახელი.

ტარიელი ამირანის ძე ჩაჩუა სიკვდილის შემდეგ დაჯილდოვდა მედლით „მხედრული მამაცობისათვის“.