კახაბერ ავთანდილის ძე ბრეგვაძე დაიბადა 1972 წელს თერჯოლის რაიონის სოფელ გოგნში. 1991 წელს გაიწვიეს სამხედრო სავალდებულო სამსახურში.ჩარიცხული იყო თერჯოლის სწრაფი რეაგირების ბატალიონში. იბრძოდა ჯერ სამაჩაბლოში, შემდეგ –აფხაზეთში.

1993 წლის 8 ივლისს გმირულად დაიღუპა ტამიშთან ბრძოლაში. დაღუპვიდან მხოლოდ ერთი თვის შემდეგ გახდა შესაძლებელი მისი ნეშტის აფხაზეთიდან გადმოსვენება.

მხოლოდ 21 წელი იცოცხლა, აუხდენელი დარჩა ოცნება – მშრომელ და პატიოსან ოჯახში გაზრდილს, ასეთივე კერა შეექმნა და შვილთა სიმრავლით ებედნიერა.

ნაადრევად წავიდა ამ ქვეყნიდან, მაგრამ ვაჟკაცის, ჭეშმარიტი მამულიშვილის, გმირის სახელი დატოვა.

< >