დაიბადა 1972 წლის 11 იანვარს, ქარელის რაიონის სოფელ ქვენატკოცაში.
მამა გარდაეცვალა 1979 წელს. ჰყავს დედა, სამი და ერთი ძმა, სწავლა დაიწყო სოფ. ქვენატკოცის საშუალო სკოლაში. რვა კლასის დამთავრებისთანავე სწავლა განაგრძო ქარელის # 40 პროფტექნიკურ სასწავლებელში, 1991 წელს მაისში გაიწვიეს გვარდიაში, თეთრი არწივის ახალციხის ბატალიონში, სადაც იმსახურა ხუთი თვე და დროებით გამოუშვეს სახლში. შემდეგ 1992 წ. ივნისში ხელმეორედ გაიწვიეს გვარდიაში. მსახურობდა თბილისში შინაგან ჯარებში.იქ ერთ თვეს იმსახურა, შემდეგ კი მშვიდობიანი მისიით გამოგზავნეს სამაჩაბლოში. სამსახურის მოვალეობის შესრულების დროს 1992 წლის 13 აგვისტოს ის და მისი ამხანაგები მხეცურად აწამეს და მოკლეს ოსმა ექსტრემისტებმა.
