თამაზ განჯელაშვილი
უმამოდ დარჩენილი ოთხი პატარა.. ოთხი ობოლი... მათ მამა სწორედ მაშინ დაკარგეს, როცა ყველაზე მეტად სჭირდებოდათ. ოთხი, უკვე დაქალებული და
დავაჟკაცებული შვილი, ჯერ კიდევ ელის უგზო-უკვლოდ დაკარგული მამის დაბრუნებას.
თამაზ განჯელაშვილი დაიბადა 1959 წლის 13 აპრილს, ხაშურის რაიონის დაბა სურამში. დაამთავრა სურამის 1 საშუალო სკოლა და სწავლა თბილისის სარკინიგზო ტექნიკუმში განაგრძო. სამხედრო სავალდებულო სამსახური უკრაინაში, ქ. ლვოვში მოიხადა.
სამშობლოში დაბრუნების შემდეგ მუშაობდა საქართველოს რკინიგზაში, 1981 წელს დაოჯახდა და შეეძინა ოთხი შვილი.
საქართველოს შეიარაღებული ძალების რეზერვისტი, თამაზ განჯელაშვილი, 1992 წლის 29 აგვისტოს გაიწვიეს სამხედრო შეკრებაზე. ჩაირიცხა საქართველოს შეიარაღებული ძალების 101”ე ბატალიონის რიგებში, საიდანაც მიავლინეს აფხაზეთის რეგიონში, საბრძოლო დავალების შესასრულებლად.
1992 წლის 2 ოქტომბერს აფხაზმა სეპარატისტებმა მასირებული შეტევა განახორციელეს გაგრის მიმართულებით, სადაც 101-ე ბატალიონი იყო დისლოცირებული, გაიმართა სამკვდრო-სასიცოცხლო ბრძოლა. თამაზი და მისი თანამებრძოლები გმირულად იცავდნენ ქალაქს და მტერს შესვლის საშუალებას არ აძლევდნენ. თამაზი ერთ-ერთი საბრძოლო ოპერაციის დროს დაიჭრა და ტყვედ ჩავარდა, ამის შემდეგ ის უგზო-უკვლოდ დაკარგულად ითვლება.
თამაზის უმამოდ გაზრდილი შვილები კი მხოლოდ ერთი რამით შეიძლება ვანუგეშოთ თქვენ უნდა იამაყოთ, თქვენ გმირი მამა გყავდათ!
ითანამშრომლა და ინფორმაცია მოგვაწოდა მიხეილ ნუგზაქრის ძე ბარბაქაძე დაბ. 1967წ. ვეტერანი წარმ. ხაშური
