მე-2 საარმიო კორპუსი 23-ე ბრიგადა მე-5 ბატალიონი წიგნიდან "საქართველოსთვის"

კახა  თევდორაშვილი  დაიბადა  1973  წლის  8  ნოემბერს  სოხუმის  რაიონის  სოფელ  ზემო  კელასურში.

1991  წელს  დამთავრა  ზემო  კელასურის  ბიქტორ   შელიას   სახელობის  საშუალო  სკოლა.ბავშვობიდან  მოკრძალებული,თბილი,სპეტაკი  ღიმილის  ბიჭი  ლომგულ  ვაჟკაცად.  თავდაუზოგავ მებრძოლად იქცა,როცა  სამშობლოს  გაუჭირდა... დადგა  მამულის  სადარაჯოზე...

   1992-1993  წლებში  19 წლის  კახა  საქართველოს  რესპუბლიკის   თავდაცვის  სამინისტროს  მე-2  საარმიო  კორპუსის  23-ე  მექანიზირებული  ბრიგადის  მე-5  ბატალიონის  ყუმბარმტყორცნელთა  მე-2  ასეულის  მე-3  ოცეულში  ირიცხებოდა. ეს  პირტიტველა  ბიჭი  ღირსეულად  იხდიდა  მხედრულ  ვალს  სანამ პირში  სული  ედგა  და   იცავდა სოფლებს  - ათარა აფხაზსკაია,ახალდაბა,ტამიში,ლაბრა...

   კახა  (ხვიჩა) თევდორაშვილი  1993  წლის  2 თებერვალს  გმირულად დაეცა  ბრძოლის  ველზე.

   წავიდა  ამ  ქვეყნიდან ვალმოხდილი  და  ოჯახს  დიდ  ტკივილთან  და  მონატრებასთან  ერთად  დაუტოვა  სიამაყის  გრძნობა  და  გმირის  სახელი...

< >