პაატა ვარლამის ძე ექიზაშვილი დაიბადა 1966 წლის 29 ნოემბერს.
დაამთავრა თბილისის მე-8 საშუალო სკოლა, მოიხადა სამხედრო სამსახური და ტელევიზორების ქარხანაში დაიწყო მუშაობა.
1988 წელს დაოჯახდა, ჰყავს მეუღლე და ორი შვილი, – პატარა თამუნა და ვალერი.
1993 წელს გაწვეული იქნა სამხედრო სამსახურში და ჩაირიცხა 114-ე ბატალიონ „ავაზაში“, 1993 წლის 2 თებერვალს აფხაზეთში ქართული მიწის დასაცავად გმირულად დაეცა ოჩამჩირეში...
მოიგონებენ წარსულს მკვიდრები,
აბუბუნდება ქვეყნად ყველა მთა,
გავდიადდები, გავსულდიდდები
და ავენთბი მამულს კელაპტრად.
დავდგები ცერზე, როგორც ავაზა,
ერთს გადავხედავ ,დღეებს გაფრენილს,
მერე მოვკვდები ისე ლამაზად,
ვით დაიბადა ეს ყველაფერი.
ჯანსულ ჩარკვიანი