სულიკო თევდორაშვილი დაიბადა 1967 წლის 21 ივნისს, თბილისში,

1973 წელს შევიდა თბილისის 99-ე საშუალო სკოლაში, აქ რვა კლასის დამთავრების შემდეგ სწავლა განაგრძო პროფტექნიკურ სასწავლებელში. 1985 წელს დაქორწინდა ინგა შპონნაიაზე. ჰყავთ ორი შვილი: 8. წლის იური და 5 წლის ეკატერინე. 1987 წელს მუშაობა დაიწყო საქართველოს კავშირგაბმულობის სამინისტროს ავტობაზაში მძღოლად, ხოლო 1988 წლიდან მძლოლ-მეხანძრედ სახანძრო დაცვაში.

1992 წლის 19 სექტემბერს საქართველოს მტრების წინააღმდეგ საბრძოლველად წავიდა აფხაზეთის რეგიონში, 1992 წლის 15 სექტემბრიდან მსახურობდა საქართველოს რესპუბლიკის შეიარაღებული ძალების განსაკუთრებული დანიშნულების ბატალიონში. დაიღუპა 1992 წლის 2 ოქტომბერს ქალაქ გაგრაში. სულიკო თევდორაშვილი იმისთვის იბრძოდა და იმ ნათელ მიზანს შეეწირა, რომ მისმა შვილებმა თავისუფალ, მშვიდობიან, დემოკრატიულ საქართველოში იცხოვრონ. გვწამს, რომ ეს ასეც იქნება! სულიკო თევდორაშვილი სიკვდილის შემდეგ დაჯილდოვდა ვახტანგ გორგასლის III ხარისხის ორდენით