ილო (ილარიონ) ქურდობაძე
დაიბადა ქ. სამტრედიაში 1971 წლის 27 ნოემბერს. 1978-86 წლებში სწავლობდა სამტრედიის # 3 საშუალო სკოლაში, 1986-1988 წლებში –სამტრედიის # 5 საშუალო სკოლაში. 1989 წლის 16 ივლისს სხვა სამტრედიელ ბიჭებთან ერთად ისიც აფხაზეთში წავიდა ქართველების მისაშველებლად, დეკემბერში კი საბჭოთა ჯარში გაიძახეს. უარი არ უთქვამს წასვლაზე, აფხაზეთის ამბებმა სამხედრო საქმის ცოდნის აუცილებლობაში დაარწმუნა იგი. ჯარიდან 1991 წლის მიწურულს დაბრუნდა. შემდეგ მუშაობდა ავტოსარემონტო საწარმოში. აფხაზეთში ომის დაწყების პირველივე დღეებში განცხადება დაწერა, რომლითაც მოხალისედ ითხოვდა წასვლას, სექტემბერში გაიწვიეს კიდეც მოკლევადიანი მომზადების შემდეგ. 2 ოქტომბერს უკვე გაგრის რაიონში გადაიყვანეს. იმ მძიმე დღეებს გადაურჩა, მხოლოდ ფეხები ჰქონდა დაზიანებული, მოიშუშა თუ არა, ისევ აფხაზეთს მიაშურა, ცრემლით ნუ გამაცილებ დედა მე მალე დავბრუნდებიო. ვაი, რომ, ცუდად დაბრუნდა, სოფელ აძიუბჟასთან (გულრიფშის რაიონი) აფეთქდა ნაღმზე ჯავშანმაჩქანით.
შემდეგ ნეკროლოგში წერდნენ მისი თანამებრძოლები: „ძნელია ნუგეში სცე დედას, რომელმაც 21 წლის უცოლშვილო ვაჟკაცი დაკარგა. ჩვენრვის მისი
მეგობრებისათვის, მუდამ დაუვიწყარი იქნება ილო ქურდობაძის პირდაპირი და ვაჟკაცური ხასიათი, მისი გმირული შემართება სქართველოს თავისუფლებისა და დამოუკიდებლობისათვის ბრძოლაში“,
თინიკო ივანიშვილი