დაიბადა 1962 წლის 19 თებერვალს ქ. ტყიბულში.

დაამთავრა მე-5 საშუალო სკოლა, შემდეგ სწავლა გააგრძელა ქ. ორჯონიკიძეში, პოლიტექნიკური ინსტიტუტის სამთო ფაკულტეტზე. მეორე კურსიდან გაიწვიეს სამხედრო სამსახურში, პირნათლად მოიხადა სამხედრო სავალდებულო სამსახური და დაბრუნდა მშობლიურ ქალაქში.

იგი იყო უნიჭიერესი მუსიკოსი. ქმნიდა მუსიკალურ ნაწარმოებებს, მუშაობა დაიწყო ტყიბულის კულტურის სასახლეში. შექმნა ვოკალურ-ინსტრუმენტალური ანსამბლი „იმედი“, წარმატებით გამოდიოდა ქალაქისა და რესპუბლიკის მასშტაბით, მან აღზარდა მრავალი ნიჭიერი მუსიკოსი, რომლებიც დღესაც აგრძელებენ მუსიკალურ მოღვაწეობას.

მადლიერი სამშობლო ყოველთვის სიყვარულით მოიგონებს თავისი ღირსეული შვილის – ზაალ კუპრაშვილის სახელს.