დავით ელგუჯას ძე მოსიაშვილი დაიბადა ქ. საჩხერეში 1966 წლის 19 ნოემბერს. სკოლაში სწავლის წლებში განსაკუთრებულ ინტერესს იჩენდა ისტორიისა და ლიტერატურისადმი. უყვარდა სპორტი, განსაკუთრებით კრივი,რაშიც ჰქონდა მიღწევები: იყო ჩემპიონი ახალგაზრდათა შორის. სკოლის დამთავრების შემდეგ ერთხანს მუშაობდა ბამბეულის ქარხნის მშენებლობაზე. შემდეგ იყო სავალდებულო სამხედრო სამსახურში. მერე – ისევ სპორტსკოლა. იყო კრივის სექციაში – მწვრთნელად. მერე ახმეტის სახალხო უნივერსიტეტში ისტორია-სამართალმცოდნეობის სპეციალობას ეუფლებოდა, პირველი კურსი ფრიადზე დახურა.
როცა საქართველოს დამოუკიდებლობას და ერთიანობას საფრთხე შეექმნა, იგი ერთ-ერთი პირველი შევიდა საჩხერის გვარდიის ბატალიონში და მონაწილეობა მიიღო სამაჩაბლოსა და აფხაზეთის ბრძოლებში. საქართველს ხელმწიფო მეთაურის ბრძანებულებით დაჯილდოვებული იყო სამშობლოს დაცვისა და და ერთიანობისათვის ბრძოლაში გამოჩენილი მამაცობისა და თავდადებისთვის მედლით „მხედრული მამაცობისათვის“.
დათო 1993 წლის მარტში დაიჭრა ოჩამჩირის რაიონში წარმოებულ ბრძოლაში, მაშინ სასწაულად გადარჩა სიკვდილს, მიუხედავად მძიმე ჭრილობისა არ შედრკა და როცა კვლავ საშიშროება შეექმნა აცხაზეთს (დესანტის გადმოსხმასთან დაკავშირებით), დათო უყოყმანოდ წავიდა სოხუმში მის დასაცავად,საბედისწერო გამოდგა მისთვის ეს ნაბიჯი. 9 ივლისს ტამიშთან შეტაკებაში დაიღუპა.