ივანე ნეფარიძე შოთას ძე 1966- 01 ივნისი 1993წწ გარდ. აფხაზეთი დაბ. ჭიათურა რიგითი

ივანე ნეფარიძე დაიბადა ჭიათურის რაიონის სოფელ შუქრუთში 1966 წლის 21 სექტემბერს.

დაამთავრა პერევისის საშუალო სკოლა, თბილისის პროფესიულ-ტექნიკური და წულუკიძის ტექნიკური სასწავლებ-

ლები. ამის შემდეგ სწავლობდა ქუთაისის ჰუმანიტარულ და სამართლის ინსტიტუტში იურიდიული ფაკულტეტის მეორე კურსზე.

მუშაობდა ჭიათურის, წყალტუბოს პოლიციებში და ქუთაისის ავტოინსპექციაში ინსპექტორად.

სამშობლოს მთლიანობისთვის ბრძოლაში ჩაება გულმხურვალე პატრიოტი ივანე (ბაჩუკი) ნეფარიძე, რომელიც 1993 წლის 11 ივლისს აფხაზეთში სოფელ შრომასთან ბრძოლაში გმირული სიკვდილით დაეცა. წავიდა ჩვენგან ჭეშმარიტი მამულიშვილი და თან წაიღო ფიქრი მშობლებზე, ქალ-ვაჟზე, მეუღლეზე, დაზე, ნათესავებზე, მეგობრებსა და სამშობლოზე.

მის ქალ-ვაჟს მადლიერი ხალხი არაფერს დააკლებს, მაგრამ ვაგლახ, რომ საყვარელი მამის ალერსი აღარ ეღირსებათ. სამშობლოსთვის თავდადებულნი მარად ცოცხლობენ, რადგან

„არ არის მკვდარი, ვინც მოჰკვდეს

და ხალხს შესწიროს დღენია,

მკვდრად იგი თქმულა, ვისაც აქ

სახელი არ დარჩენია.“

ბაჩუკი მარად იცოცხლებს ხალხის გულში.

ლამარა აბესაძე

< >