ზაქარია ახოიშვილი დაიბადა 1960 წლის 18 ივლისს გურჯაანის რაიონის სოფელ ველისციხეში.

თელავის რუსული საშუალო სკოლის დამთავრების შემდეგ ჩაირიცხა სამშენებლო ტექნიკუმში, საიდანაც გაიწვიეს სავალდებულო სამხედრო სამსახურში, რომელიც გერმანიაში მოიხადა. ზაქარია სიგელებით ხელდამშვენებული დაბრუნდა სამშობლოში და ისევ განაგრძო სწავლა. გატაცებული იყო სპორტით, დაჯილდოებულია უამრავი სიგელით მიღწეული წარმატებებისათვის.მუშაობდა თელავის M12 საამშენებლო ტრესტის საწარმოო კომბინატში ოსტატად.

1992 წლის 20 მარტიდან მსახურობდა I საარმიო კორპუსის ს/ნ 55058 ასეულის მეთაურის მოადგილედ.

დაიღუპა 1993 წლის 9 ივლისს ტამიშის დესანტის გადმოსხმის შედეგად გამართულ უთანასწორო ბრძოლაში.

კაპიტანი ი. გიორგანაშვილი ასე იგონებს:

„ზაქრო ძალიან მხიარული ადამიანი იყო. უღალატო, ალალი, გულმართალი,

ღიმილიანი, სამაჩაბლოში ყველაზე საპასუხისმგებლო საგუშაგოზე იდგა. იქ დგომის ყოველი წუთი სიკვდილის ტოლფასი იყო. ტყვია ტყვიაზე მოდიოდა,მაგრამ ზაქროს თვალი არ დაუხამხამებია და არ შეშინებია. იდგა და ასრულებდა ბრძანებას, დაეცვა თავისი მიწა-წყალი.

აფხაზეთშიც არ დაუხევია უკან, სადაც კი იბრძოდა, იბრძოდა ვაჟკაცურად.

იგი სიცოცხლის უკანასკნელ წუთამდე იბრძოდა საქართველოსათვის და მისი მთლიანობისათვის.“

ახოშვილი ზაქარია ალეკოს ძე(18 ივლისი 1960-9 ივლისი 1993) 1-ი საარმიო კორპუსის ს/ნ 5505 ასეულის მეთაური 1992 20 მარტიდან გარდაიცვალა სოხუმი ტამიშთან. ვახტანგ გორგასლის III 409  დაკრძალულია თელავში ძმათა სასაფლაოზე

< >