ჯემალ გაბულდანი დაიბადა 1965 წლის 6 ნოემბერს მესტიის რაიონის სოფელ ბეჩოში.
აქვე დაამთავრა საშუალო სკოლა. ჯემალი პატარაობიდანვე დინჯი და სერიოზული,სვანეთის მთებივით ზვიადი და ამაყი იყო. „ომობანას“ თამაში უყვარდა. დაამთავრა თბილისის ზოოვეტერინარული ინსტიტუტი. სამუშაოდ გაანაწილეს რუსთავის მეცხოველეობის ფერმაში ვეტექიმად.
ჯემალი ჩაება ეროვნულ მოძრაობაში, როცა სამაჩაბლოს კონფლიქტი დაიწყო, დაუყოვნებლივ ჩაეწერა ეროვნულ
გვარდიაში. სოხუმის სამხედრო პოლიციის ოფიცერი იყო. სამაჩაბლოს შემდეგ აფხაზეთში იცავდა ტერიტორიულ მთლიანობას. უშიშარი მებრძოლი გახლდათ. სწამდა, რომ მშობლიურ მიწაწყალს უსათუოდ დაიცავდა.
1992 წლის 5 ოქტომბერს განთიადში ბრძოლისას სნაიპერის ტყვიამ იმსხვერპლა 27 წლის ვაჟკაცი.
