ბორის გოჩავა დაიბადა 1952 წლის 17 დეკემბერს. დაამთავრა სოხუმის სუბტროპიკული ინსტიტუტი. გაუჭირდა საქართველოს, მშობლიურ ქალაქს და ბორისი უყოყმანოდ ჩაეწერა 24-ე ბრიგადაში, სამედიცინო ასეულის სანიტრად.
იგი პატიოსანი, კეთილსინდისიერი,ზრდილობიანი ადამიანი იყო. ფრონტის ხაზზე კი – თავდაუზოგავი. ტყვიების წვიმაში შედიოდა დაჭრილების გამოსაყვანად. 2 ივლისს, ტამიშის დესანტის დროს მორიგეობა არ ეკუთნოდა, მაინც მიაშურა ფრონტის ხაზს, თანამებრძოლებთან ერთად შეძლო რამდენიმე დაჭრილის გამოყვანა, უკან შებრუნებულს მტრის ულმობელმატყვიამ სწორედ ის გული გაუგმირა, ასე ძალუმად რომ უცემდა სამშობლოსა და ოჯახის სიყვარულით.
ბორის გოჩავა ვალმოხდილი წავიდა ამ ქვეყნიდან.
სიკვდილის შემდეგ დაჯილდოვდა ვახტანგ გორგასლის II ხარისხის ორდენით.