თემურ დავითინიძე
საბრძოლო მოკვლევაში ვკითხულობთ: თემურ დავითინიძე, დაბადებული 1967 წლის 3 ივლისს, თბილისში.
რიგითი თ.ა. დავითინიძე 1992 წლის 25 აგვისტოს გაწვეულ იქნა სამხედრო სამსახურში. 1992 წლის 20 დეკემბრამდე მსახურობდა საქართველოს რესპუბლიკის თავდაცვის სამინისტროს ცალკეულ საარტილერიო დივიზიონში; იბრძოდა კოლხიდასთან, გაგრაში, განთიადსა და ლესელიძეში.
1992 წლის 21 დეკემბრიდან მსახურობდა ქ. სოხუმის კომენდატურასთან არსებულ დაზვერვის ოცეულში. თ. დავითინიძემ მაღალ პროფესიულ დონეზე ჩაატარა არაერთი სამხედრო ოპერაცია: იყო თავისი საქმის კარგი მცოდნე,
გაბედული და უშიშარი მებრძოლი.
მაგალითისათვის: დაჭრილი მებრძოლი ვეფხია მერაბიშვილი 6 კმ ზურგით ატარა; 400 გ სისხლი გადაუსხა დაჭრილ თანამებრძოლს და სხვა.
1993 წლის 7 თებერვალს მზვერავთა ოცეული ასრულებდა საბრძოლო დავალებას მტრის ზურგში. წარმატებით ჩატარებული ოპერაციიდან დაბრუნების დროს მდ. გუმისთაზე თ. დავითინიძე დაიჭრა თავში, რის გამოც იგი 9 თებერვალს გარდაიცვალა.