გიორგი თოფჩიშვილი დაიბადა 1967 წლის 23 აპრილს ქ. თბილისში.
სწავლობდა ქ. თბილისის უშინსკის სახელობის I ექსპერიმენტულ საშუალო სკოლაში. წარჩინებით დაამთავრა მე-18
პროფსასწავლებლის ხუროთმოძღვრული ძეგლების რესტავრაციის სპეციალობა.
1986 წელს მოიხადა სავალდებულო სამხედრო სამსახური ქ. მოსკოვში. შემდეგ სწავლა განაგრძო თბილისის ფიზკულტურის ინსტიტუტის საორგანიზაციო ფაკულტეტზე, რომლის დამთავრებაც ვერ მოასწრო, დაიღუპა... მუშაობდა ქ. რუსთავის ნსს „მართვეში“ მეთოდისტად.
ქ. თბილისში „ქართველ შევარდენთა ლეგიონის“ დაარსებისთანავე იყო მისი უცვლელი წევრი.
საქართველოს ერთიანობის ხელყოფის დაწყებისთანავე ჩაება აქტიურ ბრძოლაში, ჯერ სამაჩაბლოში, შემდეგ კი აფხაზეთში. დაიღუპა 1992 წლის 6 დეკემბერს. ჰყავდა მეუღლე და ქალიშვილი, პატარა სალომე, რომელიც ერთი თვისა დატოვა.
