ბესიკ თურქიშვილი
ბესიკმა საშუალო სკოლის დამთავრების შემდეგ სავალდებულო სამხედრო სამსახური მოიხადა. მუშაობდა კინოსტუდიაში გამნათებლად, შემდეგ მარჯანიშვილის თეატრში, ბოლოს კი თამბაქოს ქარხანაში მექანიკოსად.
ბესიკ თურქიშვილი, 24-ე ბრიგადის რიგითი მებრძოლი, უყოყმანოდ გაეშურა ფრონტის ხაზზე, როცა მის სამშობლოს გაუჭირდა. დედას წასვლის წინ დაუბარა: – თუ ცოცხალი დავბრუნდი,ხომ კარგი, თუ არადა, იმას მაინც იტყვიან, გმირულად მოკვდაო.
1993 წლის 9 იანვარს ერთ-ერთი საბრძოლო ოპერაციის დროს იმსხვერპლა მტრის ულმობელმა ტყვიამ.
ბესიკი დაკრძალულია თბილისის ზღვის ძმათა სასაფლაოზე.
