შალვა ივანიძე დაიბადა 1966 წლის 5 ივნისს ასპინძის რაიონის სოფელ აწყვიტაში.
1973 წელს შევიდა საშუალო სკოლაში, შემდეგ გადავიდა ასპინძის სკოლაინტერნატში, რომელიც დაამთავრა 1983 წელს.
კეთილსინდისიერად მოიხადა სავალდებულო სამხედრო სამსახური კუბაში.მუშაობდა სოფლის კოლმეურნეობაში.
1992 წლიდან აქტიურად ჩაება საქართველოს ერთიანობისთვის ბრძოლაში.მსახურობდა ახალციხის მე-9 ბატალიონში. მონაწილეობდა სამაჩაბლო-აფხაზეთის კონფლიქტებში.
1993 წლის 8 აგვისტოს, ერთ-ერთი სამხედრო ოპერაციის დროს დაიღუპა.
შალვა ივანიძე სიკვდილის შემდეგ დაჯილდოვდა ვახტანგ გორგასლის II ხარისხის ორდენით.
