მერკვილაძე გარი ალექსანდრეს ძე 16 თებერვალი 1923 დაბადების ადგილი: ქ. ბათუმი.
საშუალო სკოლის დამთავრების შემდეგ სწავლობდა თბილისის აეროკლუბში (1940). 1942 წელს დაამთავრა არმავირის სამხედრო-საავიაციო სასწავლებელი.
იბრძოდა ვორონეჟის, სტეპის, უკრაინის II და I ფრონტებზე. მოახდინა 412 საბრძოლო გაფრენა, მონაწილეობდა 107 საჰაერო ბრძოლაში, რომლის დროსაც ჩამოაგდო მტრის 15 თვითმფრინავი. 97-ჯერ მიიტანა იერიში მტრის პოზიციებზე. 1945 წელს საბჭოთა მფრინავთაგან პირველმა ჩამოაგდო ფაშისტთა რეაქტიული თვითმფრინავი. 1952 წელს დაამთავრა წითელდროშოვანი სამხედრო-საჰაერო აკადემია; 1961 წელს გენერალური შტაბის აკადემია; 1970 წლიდან თადარიგში იყო. ავიაციის გენერალ-მაიორი (1966), მფრინავი.
ორგანიზაციის, ასოციაციის ან ჯგუფის წევრი
- სკკპ, წევრი (1943-)
ჯილდოები, პრემიები და პრიზები
- 1945 - საბჭოთა კავშირის გმირი
- წითელი ვარსკვლავის ორდენი (3 ორდენი)
- სამამულო ომის I ხარისხის ორდენი
- წითელი დროშის ორდენი (3 ორდენი)
- ლენინის ორდენი
- ალექსანდრე ნეველის სახელობის ორდენი
წყარო-NPLG.GOV.GE
