ელგუჯა ლეშკაშელი დაიბადა 1959 წლის 26 აპრილს ოჩამჩირის რაიონის სოფელ ახალ კინდღში.
სკოლის დამთავრების შემდეგ
მოიხადა სავალდებულო სამხედრო სამსახური. დაამთავრა აჩიგვარას სასოფლო-სამეურნეო სამექანიზაციო ტექნიკუმი. მუშაობდა სხვადასხვა ორგანიზაციაში.
აფხაზეთის კონფლიქტის დროს ჩაირიცხა 23-ე მოტომსროლელი ბრიგადის მე-5 ბატალიონში რიგითად.
მასთან ერთად მისმა ძმამ ემჭზარმაც აიღო იარაღი ხელში, რათა ერთად დაეცვათ საკუთარი მიწა-წყალი. ერთ-ერთი სამხედრო ოპერაციის დროს ელგუჯამ ტრავმა მიიღო, ხოლო ემზარი დღესაც I ჯგუფის ინვალიდია, ორივე ფეხი ამპუტირებული აქვს.
მიუხედავად ტრავმისა, ელგუჯას იარაღი მაინც არ გაუგდია ხელიდან და სოხუმის დაცემამდე ვაჟკაცურად იბრძოდა, ხოლო 1993 წლის 27 სექტემბერს სოფ. ტამიშთან გმირულად დაეცა ბრძოლის ველზე.