გარიკ მარშავა კეთილი, სათნო, მაღალი, ლამაზი –ასე ახასიათებენ ნაცნობ-მეგობრები 21 წლის უცოლშვილო ვაჟკაცს, გარიკ მარშავას.
საბრძოლო მოკვლევაში ვკითხულობთ: რიგითი გარიკ მარშავა მოხალისედ ჩაირიცხა „სამურზაყანოს“ ბატალიონში. დისციპლინირებული, მამაცი მებრძოლი და უღალატო მეგობარი მეთაურის ყველა ბრძანებას პირნათლად,წარბშეუხრელად ასრულებდა. ის ოჩამჩირის რაიონის სოფ. კვიტოულის მაცხოვრებელი იყო, ვერაფრით ეგუებოდა აფხაზეთის დაკარგვას.
სოხუმის დაცემის შემდეგ გალში პარტიზანული ბრძოლა გააგრძელა და 1993 წლის 30 სექტემბერს აფხაზმა სეპარატისტებმა ტყვიით გაუგმირეს საქართველოს სიყვარულისთვის ანთებული გული.
გარიკ მარშავა დაკრძალულია სოფ. ჭუბურხინჯში.