არსენ მაძღარაშვილი დაიბადა 1957 წლის 1 იანვარს გურჯაანის რაიონის სოფელ ახაშენში. იგი მეგობრებისგან თითქმის არაფრით გამოირჩეოდა, ერთი უბრალო, კახელი ბიჭი იყო, მუდამ ღიმილიანი, კეთილი და სამშობლოზე შეყვარებული.

არავინ იფიქრებდა, თუ ოდესმე საქართველოს თავს შავი ღრუბელი წაადგებოდა და ჩვენი ვაჟკაცები და მშობლების ზურგს ამოფარებული, ჯერ კიდევ გამოუცდელი ჭაბუკები მის დასაცავად საკუთარ სიცოცხლეს არ დაიშურებდნენ...

არსენაც პირველივე ძახილზე უსიტქევოდ წავიდა მტრის წინააღმდეგ საბრძოლველად.

ყველაფერი კი ასე დაიწყო: 1993 წლის 15 მარტს უწყება მიიღო. სამშობლო უხმობდა, ქაღალდი ერთხანს ხელში ატრიალა, მერე გაიღიმა და თქვა: „შვილებს მამა უნდათ, მაგრამ ერთიანი საქართველო უფრო სჭირდებათო“ და წავიდა.

სოფელი დატოვა პირველმა მეომარმა, რომელიც ღიმილიანი სახით, უსიტყვოდ შეეწირა საქართველოს ტერიტორიულ მთლიანობას. იგი ირიცხებოდა ბატალიონ „ავაზაში“ 1993 წლის 17 მარტიდან.

1993 წლის 18 ივნისს მისი სიცოცხლე სამუდამოდ ჩაიფერფლა სოფელ ლაბრაში, პოზიციაზე ყოფნის დროს.დარჩა ქალ-ვაჟი.

ლამარა აბესაძე

< >