ვიტალი მირგატია დაიბადა 1964 წელს ზუგდიდის რაიონის სოფელ ინგირში.
წარჩინებით დაამთავრა საშუალო სკოლა. პირნათლად, მადლობის სიგელებითა და მედლით მოიხადა სავალდებულო სამხედრო სამსახური.
ჩააბარა ფოთის სანაოსნო სკოლაში,სადაც, ფრიადებზე სწავლასთან ერთად,აქტიურად მონაწილეობდა სკოლის საზოგადოებრივ ცხოვრებაში. დამთავრების შემდეგ გემზე დაიწყო მუშაობა. იყო ძრავის უფროსი სპეციალისტი.
1992 წლის მარტში მოხალისედ ჩაეწერა ბატალიონ „ავაზაში“ და იცავდა საქართველოს მთლიანობას, მაგრამ 1993 წლის 2 ივლისს, დესანტის გადმოსხმის დღეს, გმირულად დაეცა ბრძოლის ველზე.
დაკრძალულია სოფელ ინგირში.