რობინზონ სეხნიაშვილი დაიბადა 1969 წლის 2 თებერვალს გორის რაიონის სოფელ ბერშუეთში. სკოლის დამთავრების შემდეგ
პირნათლად მოიხადა მხედრული ვალი.ლამაზ მომავალზე ოცნებობდა. მაღალი,ლამაზი, ყველასაგან გამორჩეული იყო,როგორც ფიზიკური სილამაზით, ასევე სულიერი სიმდიდრითაც _კეთილშობილი, პატიოსანი, დიდი გულის პატრონი, ყველას სიყვარულს რომ იტევდა.
– ჩვენო კიჭო, – ასე ვეძახდით, –ამბობს გაუბედურებული დედა,ქალბატონი მარო, – ოჯახში ნაბოლარა იყო, ცოტა გვიან შეგვეძინა და თავს ვიიმედებდით მე და ჩემი მეუღლე, ვალოდია,გვეგონა, ჩვენი სიბერის ნუგეში იქნებოდა, ჩვენთან დარჩებოდა სოფელში და გვერდში ამოგვიდგებოდა. ეჰ, შვილო, არ დასცალდა, თორემ... ბავშვობიდანვე შრომისმოყვარე იყო, საოჯახო საქმეებშიც კი მეხმარებოდა. მისი არც ხმამაღალი სიტყვა გვახსოვს, არც დაღლა, ენის შემობრუნებაზე ხომ ზედმეტია საუბარი.
წყნარად აკეთებდა საქმეს. დავალებაც კი არ ჭირდებოდა, თვითონ იხერხებდა ყველაფერს. იმ უბედურ წელიწადს, როცა ქართველებსა და ოსებს შორის კონფლიქტი ატყდა, ჩემი კიჭო მისი მსხვერპლი შეიქნა,.რობინზონ სეხნიაშვილი დაკრძალულია სოფ. ბერშუეთში, საგვარეულო სასაფლაოზე.
