დავით ტომარაძე დაიაბადა 1952 წლის 13 სექტემბრეს გარდაბნის რაიონის სოფელ წავკისში.
1969 წელს დაამთავრა თბილისის რესპუბლიკური ექსპერიმენტული საშუალო სკოლა. შემდეგ სწავლა განაგრძო საქართველოს პოლიტექნიკურ ინსტიტუტში, საინჟინრო ფიზიკის ფაკულტეტზე, ლითონების ფიზიკის სპეციალობით. მუშაობდა თბილისის 132-ე საშუალო პროფესიულ-ტექნიკურ სასწავლებელში საწარმოო სწავლების ოსტატად.
ეროვნული მოძრაობისას გაერთიანდა „სახალხო ფრონტში“, იყო ფრაქცია „იმედის“ წევრი.
დავითის დედა სიამაყით ამბობს: „ჩემი შვილი გახლდათ „იმედის“ წევრთა შორის ერთ-ერთი პირველთაგანი, რომელმაც ერისა და სამშობლოს უკვდავება ღვთის წინაშე სვეტიცხოველში დაიფიცა და მას შემდეგ, სამაჩაბლო იყო თუ აფხაზეთი, სიცოცხლის ბოლომდე
იარაღი ხელიდან არ გაუგდია“.
რაინდი იყო სულით ხორცამდე და რაინდად შეაბიჯა მარადისობაში.
დაკრძალულია საგვარეულო სასაფლაოზე სოფ. წავკისში.