როსტომ ქობელაშვილი დაიბადა 1967 წელს. დაამთავრა თბილისის #85 საშუალო სკოლა.სავალდებულო სამხედრო სამსახური

გაიარა გერმანიაში. შემდეგ მუშაობდა ისნის ფაბრიკაში მუშად. პარალელურად სწავლობდა მსუბუქი მრეწველობის ტექნიკუმში.

საქართველოს სახელმწიფო უშიშროების სამსახურის თანამშრომელი,ლეიტენანტი როსტომ ქობელაშვილი მოხალისედ წავიდა აფხაზეთში.

დედა, ქალბატონი ვალიდა, ამბობს:„ჩუმი, წყნარი, პატიოსანი ვაჟკაცი მყავდა. მის დაოჯახებაზე ვოცნებობდი,საცოლეც ჰყავდა, თავდავიწყებით უყვარდა, როცა უნდა დაოჯახებულიყო, ატყდა აფხაზეთის ომი და ჩემმა შვილმა სამშობლოს სიყვარული დააყენა პირველ ადგილზე. კიდეც შეეწირა მას და ჩემთან ერთად დატოვა აცრემლებული სიყვარული.“

1993 წლის 25 სექტემბერს სოხუმის სატელევიზიო ანძაზე შეტევის დროს გმირულად დაიღუპა.

როსტომ ქობელაშვილი სიკვდილის შემდეგ დაჯილდოვდა ვახტანგ გორგასლის I ხარისხის ორდენით.

 ქობელაშვილი როსტომ

დაიბადა 1967 წელს 15 თებერვალს. დაამთავრა ქ. თბილისის N 85 საშუალო სკოლა. სავალდებულო სამსახური წარმატებით გაიარა გერმანიაში. მუშაობდა ისნის ფაბრიკაში მუშად, პარალელურად სწავლობდა მსუბუქი მრეწვწლობის ტექნიკუმში.

როცა აფხაზეთში ძმათამკვლელი ომი დაიწყო, საქართველოს სახელმწიფო უშიშროების სამსახურის თანამშრომელი, ლეიტენანტი როსტომ ქობელაშვილი მოხალისედ წავიდა აფხაზეთში.

ქობელაშვილი როსტომი უნდა დაოჯახებულიყო, მაგრამ ყველაფერს სამშობლოს სიყვარული დააყენა პირველ ადგილზე. ის ბედნიერ მომავალზე ოცნებობდა.

ქობელაშვილი როსტომ იბრძოდა საქართველოს ტერიტორიული ერთიანობისათვის აფხაზეთში ''ავღანელთა'' ბატალიონის შემადგენლობაში. 1993 წლის 25 სექტემბერს კბილებამდე შეიარაღებულ სეპარატისტებთან  და დაქირავებულ გადამთიელებთან უთანასწორო შეტაკებაში ეცემოდა სოხუმი, ბევრმა ვერ მოასწრო ალმოდებული ქალაქიდან გამოსვლა. მათ შორის იყო ქობელაშვილი როსტომი. ამ დღეს სოხუმის სატელევიზიო ანძაზე შეტევის დროს გმირულად დაიღუპა. როსტომი ქობელაშვილი სიკვდილის შემდეგ დაჯილდოვდა ვახტანგ გორგასლის მესამე ხარისხის ორდენით. დაკრძალულია წმინდა ბარბარეს სასაფლაოზე.