გელა ქუმსიაშვილი დაიბადა 1960 წლის 14 თებერვალს ქ. თბილისში
.
თბილისის #10 საშუალო სკოლის რვა კლასის დამთავრების შემდეგ სწავლა განაგრძო პროფსასწავლებელში, სადაც ელექტრო-აირ შემდუღებლის პროფესია აითვისა.
მოიხადა სავალდებულო სამხედრო სამსახური, მუშაობდა საქართველოს თეატრალურ საზოგადოებაში მძღოლად.
შემდეგ გადავიდა საქართველოს უშიშროების კომიტეტში.
აფხაზეთის კონფლიქტის დროს მსახურობდა თავდაცვის სამინისტროს სპეციალური დანიშნულების გაერთიანებული სამმართველოს განსაკუთრებული დანიშნულების სამსახურის საბრძოლო განყოფილების საბრძოლო მომზადების ქვეგანყოფილების ინსტრუქტორად.
1993 წლის 13 ივლისს, საბრძოლო ოპერაციის დროს, გმირულად დაეცა ბრძოლის ველზე.
ლეიტენანტი გელა ქუმსიაშვილი სიკვდილის შემდეგ დაჯილდოვდა ვახტანგ გორგასლის II ხარისხის ორდენით და „ღირსების ორდენით“
სამშაბათი 20 ივლისი 1993 წელი ფასი 20 კუპონი
გელა ქუმსიაშვილი
გელა ქუმსიაშვილი წარმოშობით ფშაველი დაიბადა ქალაქ თბილისში 1960 წლის 14 თებერვალს. თბილისის N10-ე საშუალო სკოლის რვა კლასის დამთავრების შემდეგ სწავლა განაგრძო პროფესიულ სასწავლებელში, სადაც ელექტრო-აირ შემდუღებლის პროფესია აითვისა. მოიხადა სავალდებულო სამხედრო სამსახური და მუშაობდა საქართველოს უშიშროების კომიტეტში.
აფხაზეთის ომის დროს მსახურობდა თავდაცვის სამინისტროს სპეციალური დანიშნულების გაერთიანებული სამმართველოს განსაკუთრებული დანიშნულების სამსახურის საბრძოლო განყოფილების საბრძოლო მომზადების ქვეგანყოფილების ინსტრუქტორად.
1993 წლის 13 ივლისს, საბრძოლო ოპერაციის დროს, გმირულად დაეცა ბრძოლის ველზე.
სიკვდილის შემდეგ, ლეიტენანტი გელა ქუმსიაშვილი დაჯილდოებულ იქნა ვახტანგ გორგასლის II ხარისხის ორდენით და "ღირსების ორდენით".
სსიპ - ვეტერანების საქმეთა სახელმწიფო სამსახური
11 ივლისი, 2019 ·
გურჯაანში აფხაზეთის ომში დაღუპული გელა ქუმსიაშვილი გაიხსენეს
მიმდინარე წლის 11 ივლისს, გურჯაანის რაიონის სოფელ ჩუმლაყში, 1993 წლის 11 ივლისს, აფხაზეთის ომში, სოფელ შრომაში დაღუპული გელა ქუმსიაშვილი გაიხსენეს. ვეტერანების საქმეთა სახელმწიფო სამსახურის რეგიონული მართვის დეპარტამენტის კახეთის სამმართველოს უფროსი, თამაზ კალატოზიშვილი, გურჯაანის მუნიციპალიტეტის საკრებულოს თავმჯდომარის მოადგილე, გია შიოშვილი, გურჯაანის მუნიციპალიტეტის მერიის წარმომადგენელი, ზაზა რუაძე და თანამებრძოლები გელა ქუმსიაშვილის საფლავზე მივიდნენ და დაღუპული გმირის ხსოვნას პატივი მიაგეს. ბაკურციხის წმ. გიორგის სახელობის ტაძრის მოძღვარმა, დეკანოზმა გიორგიმ (ქუმსიაშვილმა) კი სამშობლოს ტერიტორიული მთლიანობისათვის დაღუპულ მებრძოლის სულის მოსახსენებელი პანაშვიდი გადაიხადა.
გელა ქუმსიაშვილი დაჯილდოვებულია ვახტანგ გორგასლის III ხარისხის ორდენით.
