გიორგი ციგრაიშვილი დაიბადა 1973 წლის ნოემბერში,თელავის რაიონში.
აფხაზეთის კონფლიქტის დროს ჩაირიცხა სამხედრო პოლიციაში.პირნათლად ასრულებდა ყველა საბრძოლო დავალებას. იყო უშიშარი და მეგობრებში უღალატო, რაც გამოამჟღავნა კიდეც ფრონტის ხაზზე– როცა თანამებრძოლის ნაღმზე აფეთქების ამბავი შეიტყო, მიუხედავად იმისა, რომ ირგვლივ ტერიტორია მთლიანად დანაღმული იყო და არც მტერი იმყოფებოდა შორ მანძილზე, ის ვაჟკაცურად შევარდა ბრძოლის ველზე და შეძლო დაღუპულდასახიჩრებული მებრძოლის გამოყვანა. მის ხანმოკლე საბრძოლო ბიოგრაფიას არაერთი ვაჟკაცური ქმედება ამშვენებს. მან თანამებრძოლთან ერთად წარმატებით გაართვა თავი სოფელ ბესლახუბაში
დაზვერვის ოპერაციას. 1993 წლის 26 სექტემბერს, სოხუმის დაცემის წინა დღეს, გმირულად შეეწირა სამშობლოს ბრძოლის ველზე.
ზემდეგი გიორგი (გია) ციგრაიშვილი დაკრძალულია ქ. სოხუმში.