თენგიზ სერგოს ძე ქობულია 1992 წლის დეკემბრის თვიდან მსახურობდა ქ. სოხუმის რკინიგზის კვანძის სამხედრო კომენდატურაში მსროლელად.

იგი აქტიურ მონაწილეობას ღებულობდა საქართველოს ერთიანობისა და ტერიტორიული მთლიანობისათვის ბრძოლაში. მისი ხელმძღვანელობით ხდებოდა სამხედრო ტექნიკის, იარაღის და ტყვია-წამლის მიწოდება ფრონტის წინა ხაზისათვის.

თ. ქობულია პირნათლად და დროულად ასრულებდა მასზე დაკისრებულ დავალებებს, იყო ენერგიული, შემსრულებელი მებრძოლი.

თ. ქობულია 1993 წლის 27 სექტემბერს აფხაზ სეპარატისტებს ჩაუვარდა ტყვედ და დახვრეტილ იქნა მათ მიერ. იგი დასაფლავებულია ქ. სოხუმში, ჩოჩუას ქუჩის მიმდებარე ტერიტორიაზე მის საცხოვრებელ სახლთან ახლოს.

< >