ველოდი დავითის ძე ჯიჯელავა
დაიბადა 1950 წლის 9 სექტემბერს აფხაზეთში, ოჩამჩირის რაიონის სოფ. ახალ კინდღში. აფხაზეთის ომის დაწყებისთანავე ორმოცდაორი წლის ველოდი ჯიჯელავა უყოყმანოდ ჩადგა სამშობლოს დამცველთა რიგებში. 1992 წლის 19 ოქტომბერს იგი ჩაირიცხა ეროვნული გვარდიის III ბრიგადის პირველი მოტომსროლელთა ბატალიონის პირადი შემადგენლობის რიგებში. ბრძანება N20-ის საფუძველზე იგი დაინიშნა ათმეთაურად. 1993 წლის 16 სექტემბერს, 43 წლის ასაკში ველოდი ჯიჯელავა გმირულად დაიღუპა სოფ. ახალი კინდღის მისადგომებთან, საომარი ოპერაციის შესრულებისას.