მდიდარი ქართველები და საქართველოდან სრული სია 

150 ყველაზე მომგებიანი კომპანია 2021 წელი

http://www.compromat.ru/page_20210.htm

Васадзе Леван Шиоевич, Levan Vasadze

ლევან ვასაძე (დ. 20 დეკემბერი, 1970) — ქართველი ბიზნესმენი. გაიზარდა თბილისში, მთაწმინდაზე.

1987 წელს დაამთავრა თბილისის პირველი საჯარო სკოლა. 1992 წელს წითელ დიპლომზე დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოფიზიკოსის სპეციალობით. სწავლა განაგრძო 1995 წელს, აშშ-ში, ატლანტის ემორის უნივერსიტეტის რობერტო გოიზუეტას სახელობის ბიზნეს-სკოლაში, ბიზნესადმინისტრაციის მაგისტრის, MBA-ს ხარისხით.

1990-1991 წლებში სწავლობდა და გადიოდა ტრეინინგებს ნიუ-იორკის შტატის სენტ-ლოურენსის უნივერსიტეტში მინერალოგიასა, სტრუქტურულ გეოლოგიასა და ამერიკულ ლიტერატურაში. 1993 წელს სწავლობდა ვაშინგტონის ჯორჯტაუნის უნივერსიტეტის ბიზნეს-სკოლასთან არსებულ უმაღლესი მენეჯმენტის ინსტიტუტში. 2006-2007 წლებში სწავლობდა მოსკოვის წმინდა ტიხონის მართლმადიდებლურ ჰუმანიტარულ უნივერსიტეტში, სადაც მოციქულთა და პატერიკის შემსწავლელ კურსებზე ეუფლებოდა ძველი და ახალი აღთქმის ლიტურგიკას.

1990-1991 და 1993-1995 წლებში ცხოვრობდა, სწავლობდა და მუშაობდა ბიზნესის სფეროში აშშ-ში. 1995-2007 წლებში ცხოვრობდა, სწავლობდა და მუშაობდა ბიზნესის სფეროში რუსეთში. 2008-2009 წლებში ცხოვრობდა და მუშაობდა ბიზნესის სფეროში ინგლისში. 2009 წლიდან ოჯახთან ერთად კვლავ ცხოვრობს საქართველოში.

სხვადასხვა დროს იყო რუსული და საერთაშორისო კომპანიების დირექტორთა საბჭოს თავმჯდომარე, მოადგილე, წევრი, გენერალური დირექტორი, პირველი ვიცე-პრეზიდენტი, ვიცე-პრეზიდენტი და დირექტორი. ამჟამად არის კომპანიების Pet Retail Russia, Prometheus Capital Partners, Ltd., შპს. „ბაგრატიონი 1882“ და შპს. „სამოსელი პირველის“ დამფუძნებელი და დირექტორთა და სამეთვალყურეო საბჭოების თავმჯდომარე.

არის კიკეთის „იაკობ გოგებაშვილის სახელობის ქართული სასწავლებლის“ დამაარსებელი და მმართველობის წევრი, საქართველოს რაგბის კავშირის მმართველობის წევრი, აშშ-ის ემორის უნივერსიტეტის გოიზუეტას ბიზნეს სკოლის სტუმარი ლექტორი საერთაშორისო ბიზნესში, ყოველწლიური საქველმოქმედო სპორტული მოტორალის ლონდონი-თბილისი თანათავმჯდომარე ინგლისის ერლ-ლორდ პატრიკ ჯეიმზ კლანუილიამთან ერთად. აგრეთვე არის ყოველწლიური საქველმოქმედო „ქართული მეჯლისის“ დამფუძნებელი და მეურვეთა საბჭოს წევრი.

ვასაძე ლევან შიოს ძე (დ. 20. XII. 1970, თბილისი), ბიზნესმენი, მწერალი-პუბლიცისტი, ქველმოქმედი. დაამთავრა თსუ-ის გეოგრაფია-გეოლ. ფაკ-ტი (1992), ატლანტის ემორის უნ-ტის რობერტო გოიზუეტას სახ. ბიზნესსკოლა (1995). სხვადასხვა დროს (1990–2007) სწავლობდა და გადიოდა ტრენინგებს ნიუ-იორკის შტატის სენტ-ლოურენსის, ვაშინგტონის ჯორჯტაუნის, მოსკოვის წმინ-და ტიხონის მართლმადიდებლურ ჰუმანიტარულ უნ-ტებში. ვ. მუშაობდა ბიზნესის სფეროში აშშ-ში (1990–91 და 1993–95), რუსეთში (1995–2007), ინგლისში (2008–09). 2009 დაბრუნდა საქართველოში. იყო წამყვანი რუს. საერთაშ. კომპანიების დირექტორთა საბჭოს თავ-რე, გენ. დირექტორი, ვიცე-პრეზიდენტი და დირექტორი. არის რამდენიმე კომპანიის, მ. შ. შპს “ბაგრატიონი 1882-ის” (2006-იდან) და შპს “სამოსელი პირველის” (2009-იდან) დირექტორთა და სამეთვალყურეო საბჭოების თავ-რე, კიკეთის “იაკობ გოგებაშვილის სახელობის ქართული სასწავლებლის” დამაარსებელი და მმართველობის წევრი (2009-იდან), საქართვ. დემოგრ. აღორძინების ფონდის სამეთვალყურეო საბჭოს თავ-რე (2013-იდან), ყოველწლიური საქველმოქმედო ღონისძიების “ქართული მეჯლისის” დამფუძნებელი და სამეურვეო საბჭოს წევრი (2011-იდან). ავტორია პუბლიც. და ლიტ. სტატიებისა და ესეებისა. იყო პროფესიონალი რაგბისტი, თამაშობდა თბილ. “ლოკომოტივში” (1988–92). მისი ძალისხმევით კიკეთში დაარსდა სარაგბო კლუბი “იუნკერები” (2010).