ვიტალი ორბელაძე Виталий Орбеладзе 23 აპრილს 2022, უკრაინელი ქართველი, ქალაქ იზიუმში, რუსულ დაბომბვას ემსხვერპლა. ის ბატალიონ „კარპატსკი სიჩის“ მებრძოლი იყო.

ექვსი შვილის მამა, გარდაცვალების დროს ჰყავდა 4 შვილიშვილი

ვიტალი უკრაინაში დაიბადა და გაიზარდა. დედა უკრაინელი ჰყავდა. ომში წასვლამდე ის კიევში, მშენებლობებზე, შემდუღებლად მუშაობდა. ომის დაწყებისთანავე მიაკითხა სამხედრო კომისარიატს და ფრონტის ხაზზე გაგზავნა მოითხოვა.

ალიონა ორბელაძე, ვიტალის მეუღლე:

„ჩაიწერეს მისი მონაცემები და უკან გამოუშვეს. უთხრეს, სახლში წადი და გამოძახებას დაელოდეო. ელოდა, ელოდა, ყოველდღე ელოდა, რომ გამოიძახებდნენ, მაგრამ როცა არავინ შეეხმიანა, მოხალისეთა დანაყოფების ძებნა დაიწყო. ასე აღმოჩნდა „კარპატსკი სიჩში“ და 6 აპრილს ფრონტის წინა ხაზზე წავიდა".

ალიონას თქმით, მას და ვიტალის წინ ბევრი გეგმა ჰქონდათ, რომელიც საქართველოსაც უკავშირდებოდა:

„ვიტალი რამდენიმე წლის წინ საქართველოში მუშაობდა. მანდ ნათესავებიც ჰყავდა. სამწუხაროდ, მე მათ არ ვიცნობ. ძალიან უყვარდა საქართველო. ხშირად მელაპარაკებოდა მის მეორე სამშობლოზე. სულ იმას მიმეორებდა, საქართველო ძალიან ლამაზიაო. განსაკუთრებით უყვარდა ქართული ცეკვა და ოცნებობდა, რომ ოდესმე აუცილებლად ისწავლიდა ცეკვას. ძალიან უნდოდა ქართული ენის სწავლა. მოხალისეთა დანაყოფში, სადაც ის მოხვდა, ბევრი ქართველი იბრძოდა და ძალიან გახარებული იყო. მეუბნებოდა, გამიმართლა, აქ ბევრი ქართველია, ენასაც ვისწავლი, ომიც დამთავრდება და მერე ერთად წავიდეთ საქართველოშიო“.

მეუღლე ალიონა ორბელაძე

ვიტალი ორბელაძე დაკრძალულია ნიკოლაევსკის ოლქში, სოფელ ნოვომარიევკაში.

Трагедия произошла еще 23 апреля, но известно о ней стало только сейчас.

Боец батальона «Карпатская Сечь» погиб при обороне города Изюм в Харьковской области. По данным СМИ, это 46-летний Виталий Орбеладзе под позывным «Грузин». Сообщается также, что Орбеладзе жил в Киеве. У него остались шесть детей и четыре внука.