დევი მეზურნიშვილი დაიბადა 21 მარტი 1972 წელს სოფელი წინანდალი, თელავი. საკუთარი სიცოცხლის რისკის ფასად, გადაარჩინა ბავშვები შადრევანში დენის გაჟონვის შედეგად სასიკვდილო საფრთხეს.

ვაკის პარკის მებაღე დევი მეზურნიშვილია კაცი, რომელმაც გუშინ შადრევნიდან სამი არასრულწლოვანი ამოიყვანა. მეზურნიშვილი ჟურნალისტებს დილიდან უყვება, როგორ ცდილობდა შადრევანში ბურთის ამოსაღებად ჩასული ბავშვების გადარჩენას, რომლებმაც დენის დარტყმისგან გონება დაკარგეს.

"შველას ითხოვდნენ. მე ახლოს ვიყავი, ჩემს სამუშაოს ვასრულებდი. ყვირილის ხმა გავიგე - შველას ითხოვდა ყველა, ბავშვებიც. "ბავშვები ვერ ამოდიან წყლიდან, შველა უნდათ". ჩავედი წყალში და დავინახე შიგ ჩაძირული ბავშვები.

ჩემი სამუშაო ტანსაცმლით ჩავედი. არც მიფიქრია, რომ დენი იყო, მაგრამ ჩავედი, მივხვდი, რომ დენი იყო. რასაც გავუძელი, იძულებით მივუახლოვდი და კინაღამ დავრჩი შიგ იმ ორი ბავშვის გადარჩენის გამო.

სამივე ბავშვი წყალში იყო. ესენი იყვნენ ჩაძირულები და უგონოდ.

მაღლა არ ამოვსულვარ, ხალხმა გამომართვა ბავშვი. მერე შევბრუნდი, ვცდილობდი მეორესთან მიახლოებას. დრო დამჭირდა, დენი არ მიშვებდა. შევძელი მისი გამოყვანაც. შევბრუნდი მესამის გამოსაყვანად და დროც იკარგებოდა.

მესამე ბავშვის გამოყვანის დროს დენი გაითიშა. ხალხი ყვიროდა და ითხოვდა შადრევანი ჩაექროთ. შეუძლებელი იყო იქამდე მისვლა და მიღწევა. ვეღარ მივდიოდი იქამდე",