ალექსანდრე (ალეკო) ხომერიკი (დ. 13 აგვისტო, 1948, ბახმარო — გ. 28 დეკემბერი, 2020, თბილისი) — ქართველი საოპერო მომღერალი (ტენორი) და პედაგოგი. ბათუმის საოპერო თეატრის დამფუძნებელი.[1] მის სახელს უკავშირდება ბათუმში საოპერო ხელოვნების დაარსება.[1] გააჩნდა ძლიერი, ყველა რეგისტრში თანაბრად მჟღერი ხმა.[2]
დაამთავრა თბილისის სახელმწიფო კონსერვატორია(პროფ. გ. გოგიჩაძის კლასი) 1980 წელს.
1977–იდან(ჯერ კიდევ სტუდენტი) ჩაირიცხა თბილისის ოპერისა და ბალეტის თეატრის დასში; 1981–1982წწ. სტაჟირება გაიარა მილანის "ლა სკალაში".
მის მიერ შესრულებულ პარტიებს შორის განსაკუთრებით აღსანიშნავია: აბესალომი, მალხაზი (ზ. ფალიაშვილის "აბესალომ და ეთერი", "დაისი"), ბერდო (რ. ლაღიძის "ლელა"), ლენსკი, ვოდემონი(პ. ჩაიკოვსკის "ევგენი ონეგინი”, "იოლანტა"), ხოზე (ჟ. ბიზეს "კარმენი"), კავარადოსი(ჯ. პუჩინის "ტოსკა"), მანრიკო, რადამესი, ალფრედი, ჰერცოგი, ოტელო (ჯ. ვერდის "ტრუბადური", "აიდა", "ტრავიატა", "რიგოლეტო", "ოტელო") და სხვა. 1993 წლიდან ბათუმის ოპერისა და ბალეტის თეატრის სამხატვრო ხელმძღვანელი და სოლისტია.
წყარო: ვინ ვინაა საქართველოში: ქართული ბიოგრაფიული ცნობარი. - 1998-1999. - გვ. 419; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ. 43
ჯილდოები, პრემიები და პრიზები
- 1998 - ღირსების ორდენი
ქართული საოპერო ხელოვნების განვითარების საქმეში შეტანილი დიდი წვლილისა და ბათუმის ოპერისა და ბალეტის სახელმწიფო თეატრის დაარსებაში აქტიური მონაწილეობისათვის - 1995 - მემედ აბაშიძის სახელობის პრემია
- 1995 - შოთა რუსთაველის სახელობის სახელმწიფო პრემია
- 1985 - საქართველოს სახალხო არტისტი
- 1982 - პ. ჩაიკოვსკის სახელობის VII საერთაშორისო კონკურსის ლაურეატი
მადლობა თანამშრომლობისთვის, თეა გენოს ასული სიხარულიძე მცხოვრები სოფელი ბოხვაური, ოზურგეთი
მადლობა თანამშრომლობისთვის, თინათინ ლიპარის ასული ღლონტი დაბ. სოფელი დვაბზუ, ოზურგეთი
