ალექსანდრე ათანასეს ძე ჩარკვიანი 1911-1917წწ მართლმ. მღვდელი ცხეთის წმ. გიორგის ეკლესია ცაგერი

საპატრიარქოს უწყებანი N45 29დეკემბერი-4იანვარი 2005-2006წ გვ. ..

მღვდელი ალექსანდრე ჩარკვიანი

დაიბადა ლეჩხუმში, ცაგერის რაიონის სოფელ გვესოში. მღვდლად იკურთხა 1911 წლის 14 სექტემბერს იმერეთის ეპისკოპოს გიორგის (ალადაშვილი) მიერ. მსახურობდა ცაგერის ეკლესიაში. 1924 წელს კომუნისტების მიერ ეკლესიების დახურვისას მამა ალექსანდრე გამოძევებული იქნა და მოქმედი ტაძრების არ არსებობის გამო ცხოვრების დარჩენილი წლები გაატარა საკუთარ მამულში, სადაც აღასრულებდა ნათლობებს და სამღვდელო წესებს. ცაგერის ტაძრის დახურვის შემდგომ ეკლესიის მთელი საგანძური ინახებოდა მის ოჯახში, რომელიც მოგვიანებით შთამომავლებმა ჩააბარეს სახელმწიფოს. რეგიონის ჩეკას მაღალჩინოსანი ოჯახ-ის ნათესავი აღმოჩნდა, რამაც მღვდელი ალექსანდრე რეპრესიებს გადაარჩინა. თუმცა ჩარკვიანების ოჯახის წევრები, როგორც ტახტის აზნაურები და დიდი მამულების მეპატრონენი, გაკულაკებას ვერ გადაურჩნენ. სულ მალე მღვდელი ალექსანდრე გადატანილ უბედურებათა გამო ლოგინად ჩავარდა და 1929 წელს გარდაიცვალა. მღვდელი ალექსანდრე ჩარკვიანი იყო ბოლო წარმომადგენელი ჩარკვიანების სასულიერო საგვარეულოსი. მამამისი ათანასე ჩარკვიანიც სასულიერო პირი იყო, რომელსაც დაახლოებით 1869 წელს ცხეთაში წმ. გიორგის ტაძარში დაუწყია მსახურება(შემორჩენილია 1869 წლის მის მიერ ცხეთის წმ. გიორგის ტაძრის საგანძურის სრული აღწერილობა). ფოტოს მოწოდებისთვის მადლობას ვუხდით მამა ალექსანდრეს შთამომავალს ბატონ რევაზ ჩარკვიანს.