საბანაძე, ემზარ ალექსანდრეს ძე (9 მაისი 1952)  პოლიციის გენერალ-მაიორი 1995 წლიდან,

საქართველოს შს მინისტრის მოადგილე (1994-1998), შსს შინაგანი ჯარების სარდლის პოადგილე, სსს საგზაო პოლიციის მთავარი სამმართველოს უფროსის მოადგილე, დაჯილდოებულია 1 ორდენით და 8 მედლით.

ემზარ ალექსანდრეს ძე საბანაძე

(09.05.1952)

პოლიციის გენერალ-მაიორი (08.08.1995)

დაიბადა ქ.ონში.

 დაამთავრა ონის რაიონის სოფელ პიპილეთის საშუალო სკოლა, ხოლო 1974 წელს – ნიკოლოზ ბარათაშვილის სახელობის გორის სახელმწიფო პედაგოგიური ინსტიტუტის ფილოლოგიის ფაკულტეტი.

1982-1985 წლებში სწავლობდა მოსკოვის პოლიციის აკადემიაში სამართალმცოდნეობის ფაკულტეტზე.

1982-1987 წლებში სწავლობდა თბილისის ივანე ჯავახიშვილის სახელობის სახელმწიფო უნივერსიტეტში ეკონომიკის ფაკულტეტზე, მრეწველობის დაგეგმვის სპეციალობით.

1974-1976 წლებში მუშაობდა გორის საკონსერვო ქარხანაში.

1979 წლიდან მისი ცხოვრების კარიერული გზა შინაგან საქმეთა სამინისტროს უკავშირდება, სადაც მუშაობდა სხვადასხვა თანამდებობაზე.

1979-1982 წლებში მუშაობდა შინაგან საქმეთა სამინისტროს გორის საქალაქო განყოფილების უფროსად.

1982-1984 წლებში მუშაობდა შსს სახელმწიფო საკუთრების დატაცებისა და მექრთამეობის წინააღმდეგ ბრძოლის სამსახურის უფროსად.

1984-1988 წლებში მუშაობდა გორის შსს სამმართველოს უფროსის პირველ მოადგილედ, ხოლო 1988-1994 წლებში – შინაგან საქმეთა სამინისტროს გორის პოლიციის მთავარი სამმართველოს უფროსად.

1994 წელს დაინიშნა შინაგან საქმეთა მინისტრის მოადგილედ. 

1998-1999 წლებში მსახურობდა შინაგანი ჯარების სარდლის პირველ მოადგილედ, ხოლო 2002-2003 წლებში – საგზაო პოლიციის მთავარი სამმართველოს უფროსის პირველ მოადგილედ.

დაჯილდოებულია ,,ღირსების“ ორდენით და მედლით ,,მხედრული მამაცობისთვის“.