დაამთავრა ლევანდოვსკის კერძო გიმნაზია თბილისში 1917 წელს; 1919 წლიდან ხატვას სწავლობდა ნატიფ ხელოვნებათა ხელშემწყობ კავკასიის საზოგადოების სკოლაში, 1924–1929 წლებში კი თბილისის სამხატვრო აკადემიაში.

1930 წლიდან მუშაობდა საქართველოს მეცნიერებათა აკადემიის ისტორიის არქეოლოგიისა და ეთნოგრაფიის ინსტიტუტისა და ს. ჯანაშიას სახელობის საქართველოს მუზეუმის ეთნოგრაფიის განყოფილებაში მხატვრად; მონაწილეობდა სამეცნიერო ექსპედიციებში საქართველოსა და დაღესტანში; ასრულებდა ჩანახატებს, სადაც წარმოდგენილი იყო ქართველი ხალხის შემოქმედების ყველა სახე. 1937 წელს თ. თუმანიშვილთან ერთად დააარსა თბილისის სათამაშოების მუზეუმი. მის მიერ შექმნილი ეროვნული ხასიათის გამომხატველი თოჯინები პრემირებული იყო სხვადასხვა საერთაშორისო კონკურსებზე. მუშაობდა დაზგურ გრაფიკაში. 1964 წელს გამოსცა ქართული ეთნოგრაფიული ალბომების სერია. მხატვარ–გრაფიკოსი.

წყარო: საქართველო: ენციკლოპედია: ტ.I.–თბ., 1997.–გვ.477

• თბილისის სათამაშოების მუზეუმი, ერთ-ერთი დამაარსებელი (1937-)~

• 2003 - სიმონ ჯანაშიას სახელობის პრემია (გარდაცვალების შემდეგ)
• 1960 - საქართველოს ხელოვნების დამსახურებული მოღვაწე
• 
  

• ასეთი მახსოვს საქართველო : ეთნოგრ. ჩანახატები : ალბომი (ავტორი). - თბილისი, ხელოვნება, 1990. - 268გვ.. - ISBN: 5-89515-018-7
• საინტერესო სტატია  გიორგი მარჯანიშვილისგან გადადი ლინკზე