დაბადების ადგილი: უკრაინის რესპუბლიკა, ზაპოროჟიეს ოლქი, ქ. მელიტიპოლი.

დაამთავრა ლვოვის დეკორატიულ–გამოყენებითი ხელოვნების ინსტიტუტი 1954 წელს.

1955 წლიდან მუშაობდა სენაკის ხალიჩების კომბინატში. წარმოშობით პოლონელი მხატვარი საქართველოში გაეცნო გამოყენებითი ხელოვნების მდიდარ ტრადიციებს, შექმნა ესკიზები გობელენებისა და ხალიჩებისათვის. მათში ქართული ეროვნული ორნამენტის პლასტიკურობა ორგანულადაა შერწყმული ქართული ტაძრების მოხატულობის მსუბუქ, ჰაეროვან კოლორიტთან. მისი ესკიზებით შექმნილი ხალიჩები წარმოდგენილი იყო მსოფლიოს სხვადასხვა ქვეყანაში მოწყობილ მრეწველობის საერთაშორისო გამოფენებზე: იზმირი (1968), პარიზი (1970), ბაზელი (1971), კაირო (1972 ), ბერლინი (1973), ბრიუსელი (1973).

წყარო: საქართველო: ენციკლოპედია: ტ. 1.–თ., 1997.–გვ.605

• 1983 - საქართველოს დამსახურებული მხატვარი