ელისაბედ ბარათაშვილი (3 თებერვალი 1879) დიდგვაროვანი,მსახიობი. თუ გექნებათ ფოტო მოგვაწოდეთ!

დაბდების ადგილი: ვლადიკავკაზი (კავკავი, ჩრდილოეთ ოსეთი). 

სწავლობდა ვლადიკავკაზის ოლგას სახელობის გიმნაზიაში, ვარშავაში გოროჩკოვსკის დრამატულ კურსებზე (1902-1904), ტფილისის დრამატულ კურსებზე მსახიობ მიხაილოვსკაიას ხელმძღვანელობით; 1900 წლიდან გამოდიოდა სცენისმოყვარეთა სხვადასხვა ჯგუფებში; 1906 წელს ავჭალის აუდიტორიაში მიიწვიეს იუშკევიჩის პიესაში "ქალაქი", სონას როლში, კოტე შათირიშვილის ხელმძღვანელობით; 1906-1908 წწ. მუშაობდა ავჭალის აუდიტორიაში, 1908-1909 წწ. ქართულ თეატრში, 1909 წლიდან სახალხო თეატრში, 1922 წლიდან - პროლეტკლუბის დასში და ტფილისის მუშათა თეატრებში. შეასრულა შემდეგი როლები: სონია ("ქალაქი"), დედა ("ქართლის დედა"), დედა ("ისმინე, ისრაელო"), დედა ("მსხვერპლი"), ზეინაბი ("ღალატი"), ისახარ ("სამანიშვილის დედინაცვალი"), კნირტი ("იმედის დაღუპვა"), დედა ("მეზობლები"), კრუჩინა ("დანაშაულოდ დასჯილნი") და სხვ. გადაღებულია ფილმში "გიული" (თათრის უფროსი ცოლის როლი, 1927). მისი ხელმძღვანელობით დაიდგა პიესები სიღნაღსა და მის მაზრაში. სახალხო თეატრის თანამშრომელი.