ეველინა გუგკაევა (1938) მსახიობი.

დაბადების ადგილი: სოფელი ედისი, ჯავის რაიონი.

1957 წელს საშუალო სკოლის დამთავრების შემდეგ, სწავლა განაგრძო მოსკოვის სამხატვრო თეატრის სკოლა-სტუდიაში. 1961 წლიდან მუშაობს ცხინვალის კ. ხეთაგუროვის სახელობის სახელმწიფო ოსურ თეატრში. მის მიერ შესრულებული როლებიდან აღსანიშნავია: გოსამა (ვლ. გაგლოევის "თქმულება დედაზე"), ჩაბახანი (ე. ბრიტაევის "ამირანი"), ზარეტა (ნ. ხალამოვის "სამარათი და მისი შვილები"), მარიკა ჩოდრიშვილი (ალ. ჩხაიძის "ხიდი"), იოკასტა (სოფოკლეს "ოიდიპოს მეფე"), ამარანტა (ჯ. ფლეტჩერის "ესპანელი მღვდელი"), ჯემა უორენი (ე. ვოინიჩის "კრაზანა"), ჯენი (დ. ფსათასის "საჭიროა მატყუარა") და სხვა.

გთხოვთ,თუ ვინმეს მეტი ინფორმაცია გაქვთ ამ პიროვნების შესახებ,მოგვაწოდოთ.