გიორგი დეისაძე ( 1 აგვისტო 1909) მსახიობი.

დაბადების ადგილი: ქ. ქუთაისი.

1918-1926 წლებში სწავლობდა ქუთაისის რეალურ სასწავლებელში, რომელიც არ დაუმთავრებია, 1928-1930 წლებში სწავლობდა ქუთაისის თეატრის ექსპერიმენტულ სტუდიაში კოტე მარჯანიშვილის ხელმძღვანელობით.

1931 წლიდან იყო მოზარდ მაყურებელთა ქართული თეატრის მსახიობი. მის მიერ შესრულებული როლებიდან აღსანიშნავია: დათა (ს. მთვარაძის "აურიე რგოლი"), ხუტა (დ. ჭონქაძის "სურამის ციხე"), ნაცარქექია (გ. ნახუცრიშვილის და ბ. გამრეკელის "ნაცარქექია"), კლიმკა (ნ. ოსტროვსკის "პავკა კორჩაგინი"), ბაადური (ა. წერეთლის "პატარა კახი"), ყარამანი (კ. გოგიჩაიშვილის "ფარავნელი ჭაბუკი"), მალხაზი (მ. ჯაფარიძის "ლამპარი"), პეტროვიჩი (ი. არაყიშვილის "თამარის ბაქანი"), ქოქიაშვილი, სერგეი(გ. ნახუცრიშვილის "სიჭაბუკე ბელადისა"), კოჩია, ჯაშუში (გ. ბერძენიშვილის "მშვიდობის მტრედები", "აჭარის მთებში"), ტიტიკო (ვ. დარასელის "კიკვიძე"), კორესპონდენტი (ვ. კანდელაკის "ორი სპეციალისტი"), ყარამანი, კაკო (გ. ნახუცრიშვილის "პატარა მეგობრები") და სხვ.

გთხოვთ,თუ ვინმეს მეტი ინფორმაცია გაქვთ ამ პიროვნების შესახებ,მოგვაწოდოთ.