ქეთევან კოლხიდელი ( 27 იანვარი 1921-2008) მსახიობი.

დაბადების ადგილი: ქ. ფოთი.

დაამთავრა თბილისის საცდელ-საჩვენებელი სკოლა 1936 წელს; სწავლობდა მარჯანიშვილის თეატრთან არსებულ სტუდიაში.

1937-1952წწ. ფოთის, ხოლო 1952 წლიდან ქუთაისის თეატრის მსახიობია. ლირიკულ-დრამატული პლანის მსახიობი, თუმცა პარალელურად წარმატებით ანსახიერებდა როგორც ტრაგიკულ, ასევე სახასიათო როლებსაც. მის მიერ შესრულებული როლებიდან აღსანიშნავია: თამარ მეფე (შ. დადიანის "შოთა რუსთაველი"), ივდითი (კ. გუცკოვის "ურიელ აკოსტა"), ლიზა (მ. გორკის "მზის შვილები"), გაიანე, ზეინაბი (ა. სუმბათაშვილის "ღალატი"), ქეთევანი (დ. ერისთავის "სამშობლო"), მარინე (ვ. გუნიას "და-ძმა), საპატარძლო (ფ. გარსია ლორკას "სისხლიანი ქორწილი"), დეზდემონა (უ. შექსპირის "ოტელო"), ელისაბედ დედოფალი (უ. შექსპირის "რიჩარდ III"), მზევინარი, ჯავარა (ვაჟა-ფშაველას "მოკვეთილი"), თინა (ლ. ქიაჩელის "ტარიელ გოლუა"). ჩიტუნია (შ. დადიანის "გუშინდელნი"), ზეფორე (პ. კაკაბაძის "ცხოვრების ჯარა"), ესმა (გ. წერეთელის "პირველი ნაბიჯი") და სხვა. გადაღებულია ფილმებში: "საბუდარელი ჭაბუკი"(1957), "პიერი მილიციის თანამშრომელი" (1965), "ჯერ შეიცადეთ... ("ოტელო" ქუთაისში", 2003), "37 გარადუსი ცელსიუსით" (2005). რესპუბლიკის დამსახურებული არტისტის ივანე მიქიაშვილის მეუღლე.