არსენ ერისტოს ძე შველაშვილი (დ. 30 მარტი, 1935, სოფ. ზემო ალვანი, ახლანდ. ახმეტის მუნიციპალიტეტი — გ. 1999) — ქართველი ქიმიკოსი. საქართველოს მეცნიერებათა აკადემიის წევრ-კორესპონდენტი (1997), ქიმიის მეცნიერებათა დოქტორი, პროფესორი.
1958 წელს დაამთავრა საქართველოს პოლიტექნიკური ინსტიტუტის ქიმიურ-ტექნოლოგიური ფაკულტეტი. სახელმწიფო პრემიის ლაურეატი, 250-მდე სამეცნიერო ნაშრომისა და 15-მდე ფუნდამენტური წიგნის ავტორი.
დაბადების ადგილი: სოფელი ზემო ალვანი, ახმეტის რაიონი.
დაამთავრა საქართველოს სახელმწიფო პოლიტექნიკური ინსტიტუტის ქიმიურ-ტექნოლოგიური ფაკულტეტი ელექტროქიმიურ წარმოებათა ტექნოლოგიის სპეციალობით 1958 წელს.
1958-1960 წწ. იყო საქართველოს მეცნიერებათა აკადემიის ა. ჯანელიძის სახელობის გეოლოგიის ინსტიტუტის ლაბორანტი; 1961-1965 წწ. საბჭოთა კავშირის მეცნიერებათა აკადემიის ნ. კურნაკოვის სახელობის ზოგადი და არაორგანუკლი ქიმიის ინსტიტუტის ასპირანტი, უმცროსი მეცნიერ-თანამშრომელი; 1966-1979 წწ. საქართველოს სახელმწიფო პოლიტექნიკური ინსტიტუტის უფროსი მეცნიერ-თანამშრომელი, ასისტენტი, დოცენტი, პროფესორი. 1979 წლიდან იყო საქართველოს მეცნიერებათა აკადემიის პ. მელიქიშვილის სახელობის ფიზიკური და ორგანული ქიმიის ინსტიტუტის კომპლექსნაერთთა ქიმიის ლაბორატორიის ხელმძღვანელი, ამავე დროს - თბილისის სახელმწიფო სამედიცინო ინსტიტუტის ბიოარაორგანული და ბიოფიზიკური ქიმიის კათედრის გამგე. 250-მდე სამეცნიერო ნაშრომისა და 15-მდე ფუნდამენტური წიგნის ავტორი. ქიმიის მეცნიერებათა დოქტორი, პროფესორი.
სადოქტორო დისერტაციის თემა - "ციკლის წარმომქმნელი ამინების შემცველი მეტალების კოორდინაციული ნაერთების კვლევა", დაიცვა 1974 წელს.
წყარო: ვინ ვინაა საქართველოში: ქართული ბიოგრაფიული ცნობარი. – თბ. - 1998-1999. - გვ. 351; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.104
ორგანიზაციის, ასოციაციის ან ჯგუფის წევრი
- კრისტალოგრაფთა საერთაშორისო კავშირი, წევრი (1992-)
- მენდელეევის საზოგადოება, პრეზიდიუმის წევრი (1996-)
- საბუნებისმეტყველო მეცნიერებათა აკადემია, აკადემიკოსი
- საქართველოს მეცნიერებათა აკადემია, წევრ-კორესპონდენტი (1997-1999)
ჯილდოები, პრემიები და პრიზები
- საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
საბუნებისმეტყველო მეცნიერებათა დარგში 1987-1994 წლებში შესრულებულ შრომათა ციკლისათვის - ''ლითონთა კოორდინაციული ნაერთები: სინთეზი-აღნაგობა-თვისება''.
ბიბლიოგრაფია
- ქიმია : სახელმძღვ. უმაღლ. სასწ. მოსამზ. განყ. მსმენელებისა და აბიტურიენტებისათვის (ავტორი). - თბილისი, განათლება, 2000. - 608გვ.. - ISBN: 99928-24-11-5
- ქიმია : ამოცანათა კრებული (ავტორი). - თბილისი, განათლება, 1997. - 200გვ.
- ქიმიურ ნივთიერებათა რენტგენოსტრუქტურული ანალიზის პრაქტიკული სახელმძღვანელო : უმაღლ. სასწ. ქიმიისა და ფიზიკის ფაკ-ტის სტუდ. (ავტორი). - თბილისი, განათლება, 1991. - 173გვ.
- ბიოარაორგანული და ბიოფიზიკური ქიმიის შესავალი : სახელმძღვ. თბილ. სამედ. ინ-ტის სტუდენტებისათვის (ავტორი). - თბილისი, განათლება, 1989. - 672გვ.
