დაბადების ადგილი: სოფელი ყაზბეგი, ახლანდელი ყაზბეგის რაიონი.

დაამთავრა ქალაქ ორჯონიკიძის სამედიცინო ინსტიტუტი 1949 წელს.

1949-1952წწ. მუშაობდა ჯერ ჩრდილოეთ კავკასიაში, შემდეგ, 1952-1970წწ.  მოსკოვში; საქართველოში დაბრუნების შემდეგ იყო საქართველოს ჯანდაცვის სამინისტროს ტრავმატოლოგიისა და ორთოპედიის სამეცნიერო-კვლევითი ინსტიტუტის დირექტორი, პარალელურად, 1970 წლიდან თბილისის სახელმწიფო სამედიცინო ინსტიტუტის ტრავმატოლოგიის, ორთოპედიისა და სამხედრო-საველე ქირურგიის კათედრის გამგე; 1972-1975წწ. იყო ამავე ინსტიტუტის რექტორი; საბჭოთა კავშირში პირველმა გამოიყენა პლასტიკური ოპერაციებისათვის კორუნდული კერამიკა; დანერგა კლინიკაში ოპერაციული მკურნალობის ორიგინალური მეთოდები - შეუხორცებელი ინფიცირებული მოტეხილობის, აგრეთვე ყალბი სახსრებისა და გრძელი ლულოვანი ძვლების დეფექტების მკურნალობა, მენჯ-ბარძაყისა და იდაყვის სახსრების ჩანაცვლება კონსერვირებული ჰომოტრანსპლანტატებით და სხვა. ტრავმატოლოგ-ორთოპედი, მედიცინის მეცნიერებათა დოქტორი(1965), პროფესორი(1966).

წყარო: ქართული საბჭოთა ენციკლოპედია: ტ. 10.-თბ., 1986.-გვ.600; https://ka.wikipedia.org/wiki/ოთარ_ღუდუშაური

• საქართველოს მეცნიერებათა აკადემია, აკადემიკოსი (1974-1991)
• საქართველოს ტრავმატოლოგთა და ორთოპედთა სამეცნიერო საზოგადოება, თავმჯდომარე (1971-)
• ტრავმატოლოგთა და ორთოპედთა მსოფლიო ასოციაცია, წევრი (1975-)

• 1982 - საქართველოს მეცნიერებათა დამსახურებული მოღვაწე
• ლენინური პრემია
• საპატიო ნიშნის ორდენი
• ხალხთა მეგობრობის ორდენი
• სსრკ სახელმწიფო პრემია

• ძვლების ერთეული მეტასტაზების ორთოპედიული ასპექტები (ავტორი). - თბილისი, მეცნიერება, 1995. - 119გვ.. - ISBN: 5-520-01595-3
• გადაუდებელი დახმარება და მკურნალობა სხეულის დაზიანებისა და ძვლების მოტეხილობების დროს (თანაავტორი). - თბილისი, საქართველო, 1991. - 194გვ.
• ეროვნული ბიბლიოთეკა