ვახტანგ გეგელაშვილი ვახტანგის ძე დაიბადა 1937 წლის 10 დეკემბერს ქალაქ სოხუმში.

1944–1954 წლებში სწავლობდა ქ. სოხუმის მე–2 საშუალო სკოლაში.

1962 წელს დაამთავრა სოხუმის პედაგოგიური ინსტიტუტის ფიზიკა–მათემატიკის ფაკულტეტი და  მუშაობა დაიწყო ფიზიკა–ტექნიკურ ინსტიტუტში.

1976–1990 წლებში მუშაობდა კომპარტიის აფხაზეთის საოლქო კომიტეტის პირველი მდივნის თანაშემწედ.

1992 წლიდან მუშაობა დაიწყო აფხაზეთის ავტონომიური რესპუბლიკის მინისტრთა საბჭოში თავმჯდომარის თანაშემწედ და პრეს–ცენტრის წევრად.

აფხაზეთში შეიარაღებული კონფლიქტის დროს, 1993 წლის 27 სექტემბერს, ჟ. შარტავასთან ერთად აიყვანეს ტყვედ და დახვრიტეს.

დაჯილდოვებულია ვ. გორგასლის სახელობის II ხარისხის ორდენით სიკვდილის შემდეგ.

დარჩა მეუღლე, ორი ქალიშვილი და ხუთი შვილიშვილი