იასონ (იჩო) აბაშიძე დაიბადა 1904 წლიის 10 აპრილს ახმეტის რაიონის სოფლელ ზემო ალვანში.
1923 წელს დაამთავრა თელავის ვაჟთა გიმნაზია. 1924 წელს შევიდა საქართველოს სახელმწიფო უნივერსიტეტის აგრონომიული ფაკულტეტის სატყეო განყოფილებაზე, რომელიც 1928 წელს წარჩინებით დაამთავრა. 1926 წელს, სწავლასთან პარალელურად, მან დენდროლოგიის კათედრაზე პრეპარატორად დაიწყო მუშაობა.
1929 წლიდან იასონ აბაშიძე სამეცნიერო-კვლევით მუშაობას ეწეოდა ჯერ საქართველოს ცენტრალურ ტყისსაცდელ სადგურში, ხოლო შემდეგ 1931-1936 წლებში ამიერკავკასიის ტყის მეურნეობის და ტყის მრეწველობის საკვლევ-სამეცნიერო ინსტიტუტში. მუშაობდა ბორჯომის ტყეებში ჯერ ტაქსატორად, შემდეგ კი მეტყევის თანაშემწედ.
1929 წლიდან იასონ აბაშიძე სამეცნიერო-კვლევით მუშაობას ეწეოდა ჯერ საქართველოს ცენტრალურ ტყისსაცდელ სადგურში, ხოლო შემდეგ 1931-1936 წლებში ამიერკავკასიის ტყის მეურნეობის და ტყის მრეწველობის საკვლევ-სამეცნიერო ინსტიტუტში. მუშაობდა ბორჯომის ტყეებში ჯერ ტაქსატორად, შემდეგ კი მეტყევის თანაშემწედ.
დიდია იასონ აბაშიძის ღვაწლი მეტყევე სპეციალისტების მომზადების და მათი ჩამოყალიბების საქმეში. პედაგოგიური საქმიანობა მან 1929 წლიდან საქართველოს სასოფლო-სამეურნეო ინსტიტუტში დაიწყო. 1934-1935 წლებში სატყეო-სამეურნეო ფაკულტეტის დეკანი; 1935-1936 წლებში სასწავლო-სამეცნიერო ნაწილში დირექტორის მოადგილე; 1936-1937 წლებში თბილისის მეტყევეობის მუშაკთა ფაკულტეტის დირექტორი. 1931-1938 წლებში კითხულობდა ლექციებს დენდროლოგიაში სატყეო მეურნეობის და აგრარულ ფაკულტეტებზე, იყო ამავე უნივერსიტეტის დოცენტი. 1938-1959 წლებში საქართველოს სასოფლო-სამეურნეო ინსტიტუტის ბოტანიკის კათედრაზე, კითხულობდა ლექციებს ბოტანიკასა და დენდროლოგიაში, სატყეო მეურნეობის ფაკულტეტზე. 1952-1968 წლებში იყო ტყის მეურნეობის ფაკულტეტის დირექტორი.
1939 წლიდან სიცოცხლის ბოლომდე აწარმოებდა სამეცნიერო-კვლევით სამუშაოებს საქართველოს სასოფლო-სამეურნეო ინსტიტუტში. 1937 წლიდან 1945 წლამდე იყო თბილისის ტყის ტექნიკური ინსტიტუტის თბილისის დენდროლოგიური პარკის დირექტორი. 1945-1952 წლებში მუშაობდა საქართველოს მეცნიერებათა აკადემიის მეტყევეობის ინსტიტუტის ტყის კულტურის გამგედ. 1959 წლიდან მუშაობდა კათედრის პროფესორად, ხოლო 1960 წელს გახდა ზოგადი მეტყევეობის და დენდროლოგიის კათედრის გამგედ. 1960-1982 წლებში იყო საქართველოს სასოფლო-სამეურნეო ინსტიტუტის ზოგადი მეტყევეობის, დენდროლოგიისა და ტყის კულტურების კათედრის გამგე.
1939 წელს დაიცვა საკანდიდატო, ხოლო 1960 წელს სადოქტორო დისერტაცია.
შექმნილი აქვს 105 სამეცნიერო შრომა ტყის წარმოების, დენდროლოგიის, მეტყევეობის, მათ შორის სამთო მეტყევეობის შესახებ. მნიშვნელოვანია მისი მონოგრაფიები: „ევკალიპტები’’ და „მსოფლიოს პოლოთესლოვანი მცენარეულობის გეოგრაფიული გავრცელება“.
იასონ აბაშიძემ დიდი შრომა გაწია საქართველოს სასოფლო-სამეურნეო ინსტიტუტის ტერიტორიაზე დენდროლოგიური პარკის მშენებლობისათვის. მისი ხელმძღვანელობით მეტყევეობისა და დენდროლოგიის კათედრაზე შეიქმნა უნიკალური დენდროლოგიური მუზეუმი, რომელსაც დიდი შემეცნებითი მნიშვნელობა აქვს.
ცნობილი მეტყევე-დენდროლოგი დაჯილდოვებული იყო საპატიო ნიშნის ორდენით და მედლით.
იასონ აბაშიძე გარდაიცვალა 1990 წლის 5 თებერვალს.
ჯილდოები, პრემიები და პრიზები
- 1964 - საქართველოს მეცნიერებათა დამსახურებული მოღვაწე
ბიბლიოგრაფია
- დაფნა და მისი აღდგენა-განახლების პერსპექტივები საქართველოს ტყეებში (ავტორი). - თბილისი, საბჭ.საქართველო, 1964. - 64გვ.
- დენდროლოგია მცენარეთა გეოგრაფიის ელემენტებით (ავტორი). - თბილისი, საქ. სას.-სამ. ინ-ტის გამ-ბა და სტ., , 1959. - 348გვ.
