აფხაზეთის სამხედრო პოლიცია სრული სია წიგნიდან საქართველოსათვის
ჯამბულ გადილია დაიბადა 1969 წლის 29 სექტემბერს სოხუმის რაიონის სოფელ შრომაში. 1987 წელს დაამთავრა შრომის საშუალო სკოლა. იმავე წელს ჩაირიცხა როსტოვის ავტოსაინჟინრო ინსტიტუტში, რომელიც 1991 წელს დაამთავრა.
1992 წელს, როცა აფხაზეთში საქართველოს ტერიტორიულ მთლიანობას საფრთხე დაემუქრა, ჯამბული უყოყმანოდ დადგა სამშობლოს სადარაჯოზე. ირიცხებოდა აფხაზეთის სამხედრო პოლიციის რიგებში. მსახურობდა, ჯერ პურკომბინატის, შემდეგ, პორტის დაცვაში. 1993 წლის 16-17 მარტს ჯამბული და მისი ოცეული მიავლინეს მდინარე გუმისთის მიდამოებში გამავალ ფრონტის ხაზზე. ერთ-ერთი საბრძოლო ოპერაციის დროს თავის ტრამვა მიიღო, გამოჯანმრთელების შემდეგ ისევ პორტის დაცვას დაუბრუნდა.
1993 წლის ივლისში ჯამბულ გადილია მძიმედ დაიჭრა, მეგობრებმა ბრძოლის ველიდან გამოიყვანეს, მაგრამ საავადმყოფოში მიყვანამდე გარდაიცვალა.
ჯამბულ გადილია დაკრძალუილა მარტვილის რაიონის სოფელ აგუძერაში.
