მე-2 საარმიო კორპუსი 23-ე ბრიგადა 239-ე საზენიტო-საარტილერიო დივიზიონი წიგნიდან "საქართველოსთვის"

დავით აბესალომის  ძე  გოგუაძე  დაიბადა  1974  წლის  16   მარტს, სოხუმში. დაამთავრა  სოხუმის  მე-16  საშუალო  სკოლა.

   აფხაზეთში  მიმდინარე  საომარი  მოქმედებების   დროს , დავით  გოგუაძე  1993   წლის  1  იანვრიდან  ამავე  წლის  1  აპრილამდე,მსახურობდა   საქართველოს  რესპუბლიკის  თავდაცვის  სამინისტროს  23-ე  ბრიგადის  საზენიტო  საარტილერიო  დივიზიონში - დივიზიონის  პირველი  ბატარეის  მე-2  ოცეულის, მე-2 ათეულის  გათვლის  რიგითად.  მონაწილეობდა  საზენიტო-საარტილერიო   დივიზიონის  ყველა  ძირითად  საბრძოლო  ოპერაციებში. ხანმოკლე, მაგრამ  ძალიან  დაძაბულ  პერიოდში  -  საბრძოლო დავალებების   შერულებისას  გამოირჩეოდა  მამაცობითა  და  შეუპოვრობით.

   დავით  გოგუაძე  1993  წლის  1  აპრილს  მდინარე  გუმისთას  მისადგომებთან  გმირულად  დაიღუპა.(ჯავშანმანქანაში  აფეთქდა).

  დაკრძალულია  „ლეჩქოფის“  სასაფლაოზე.

  საქართველოს  პრეზიდენტის  განკარგულებით  სამშობლოს  ტერიტორიული  მთლიანობისთვის  ბრძოლაში  გამოჩენილი  გმირობის, ვაჟკაცობისა  და თავგანწირვისათვის  დავით  გოგუაძე, სიკვდილის  შემდეგ, დაჯილდოვდა  მედლით   „მხედრული  მამაცობისთვის“.