მაქსიმე (მამუკა) ასაბაშვილი დაიბადა 1967 წლის 18 მაისს. მარტვილის რაიონის სოფელ ბანძაში.

დაამთავრა ბანძის საშუალო სკოლა. 1981 წლიდან სწავლა განაგრძო სოხუმის საშუალო სკოლაში. 1984 წელს ირიცხება თბილისის პოლიტექნიკურ ინსტიტუტში მანქანათმშენებლობის ფაკულტეტზე. 1986-88 წლებში მსახურობს საბჭოთა არმიის რიგებში,

    1991წელს, ინსტიტუტის დამთავრების შემდეგ, დაუბრუნდა მშობლიურ სოფელს, სადაც აქტიურ მონაწილეობას იღებდა ეკლესიის მშენებლობის საქმეში, იყო საზოგადღება „ბანძელის“ წევრი, ხოლო როცა დაიწყო ქართველ აფხაზთა კონფლიქტი, იგი მოხალისედ წავიდა სამშობლოს დასაცავად.

 მსახურობდა ბატალიონ „ორბში“, რომლის მებრძოლებმაც ვაჟკაცურად დაიცვეს მტრის 2 დეკემბრის შემოტევა ტამიშთან, ხოლო 3 დეკემბერს, როცა დაჭრილი მეომრები გამოჰყავდათ, მამუკამ თავის თავზე აიღო ცეცხლი და საბრძოლო ველიდან მეგობრის გამოყვანის დროს გზაში მოუსწრო მტრის მიერ ნასროლმა ტყვიამ. ეს ტამიშის მისადგომებთან მოხდა.