აველ მარკოზის ძე ქაჯაია დაიბადა 1938 წლის 23 დეკემბერს ქალაქ სოხუმში.
დაამთავრა სოფელ აბედათის საშუალო სკოლა. მოიხადა სამხედრო-სავალდებულო სამსახური. 1966 წელს დაამთავრა სოხუმის მე-7 რუსულ სკოლასთან არსებული კულინარიული სასწავლებელი. მუშაობდა მზარეულად სოხუმის მე-2 საშუალო სკოლაში.
აველ ქაჯაია 1992 წლის 26 დეკემბერს, ჩაირიცხა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის | მოტომსროლელ ბატალიონში. მონაწილეობდა ბატალიონის მიერ წარმოებულ ყველა საბრძოლო ოპერაციაში. აველ ქაჯაია, პოზიციების მორიგი დაბომბვისას, ჭურვის აფეთქების შედეგად ადგილზე გარდაიცვალა.
აველ ქაჯაია დაკრძალულია გულრიფშის რაიონში.
